Հայերեն
«Աստղիկ»բժշկական կենտրոնը, հանդիսանալով «Մալաթիա» հիվանդանոցի իրավահաջորդը, չնայած իր կեսդարյա պատկառելի տարիքին՝ այսօր արդեն ներկայանում է նորովի և փորձում քայլել ժամանակին համընթաց։ Ներկայումս «Մալաթիա» հիվանդանոցը ներկայանում է որպես գերժամանակակից, բազմապրոֆիլ, եվրոպական չափանիշներին համապատասխանող բժշկական կենտրոն՝ արդեն նոր՝ «Աստղիկ» անվանումով։ 2010թ.-ին «Նատալի ֆարմ» ՍՊԸ-ն ձեռքբերեց «Մալաթիա» հիվանդանոցը բավական անմխիթար վիճակում, հիվանդանոց, որտեղ աշխատում էր շուրջ 400 հոգի։ Կենտրոնի ղեկավարության առջև դրվեց գերխնդիր՝ ստեղծել գերժամանակակից, բազմապրոֆիլ բժշկական կենտրոն՝ միաժամանակ չընդհատելով կենտրոնի աշխատանքներն ու պահպանելով արդեն եղած աշխատատեղերը։ Հիվանդանոցի գործող ծառայությունները կենտրոնացվեցին նախկին ծննդատան եռահարկ մասնաշենքում, որը վերանորոգվեց և վերազինվեց անհրաժեշտ տեխնիկայով։ 2012թ.-ին գերմանացի ճարտարապետների նախագծով սկսվեց կառուցվել «Աստղիկ» բժշկական կենտրոնը, կատարվեց շուրջ 30 մլն եվրոյի ներդրում, կենտրոնը հագեցվեց ժամանակակից հզոր սարքավորումներով, որոնցից շատերը եզակի են ոչ միայն հանրապետությունում, այլև ամբողջ տարածաշրջանում։ Նախկին 5 բաժանմունքի փոխարեն ներկայում բժշկական կենտրոնն ունի արդեն 30 բաժանմունք և ավելի քան 1200 աշխատատեղ։
«Աստղիկ» բկ-ն համաշխարհային չափանիշներին համապատասխան կառուցված բացառիկ կենտրոն է, և սա վերաբերում է ամեն ինչին՝ օդափոխությանը, սեփական թթվածնային համակարգին, վիրահատարանների հարդարմանը, սարքավորումներին, լույսերին, անվտանգության համակարգին, բուժքույրերին կանչելու համակարգին։ ԲԿ-ն ունի թթվածնի կենտրոնական մատակարարման համակարգ։ Կենտրոնն ունի 15 վիրասրահ, որից յուրաքանչյուրն ունի առանձին օդափոխման համակարգ, վիրասրահ մտնող օդը մաքրվում է սեփական օդազտիչների միջոցով՝ ապահովելով 95.5 տոկոս վարակազերծում։
«Աստղիկ» բկ-ն առանձնանում է իր պրոֆեսիոնալ բուժանձնակազմով, որն ակտիվ համագործակցում է ՌԴ-ի, Եվրոպայի և ԱՄՆ-ի առաջատար կլինիկաների հետ, որտեղ կենտրոնի մասնագետները պարբերաբար վերապատրաստվում են։ Կենտրոնն ակտիվ համագործակցում է նաև ՀՀ մարզերի բուժկենտրոնների հետ՝ ոչ միայն տեղում բարեգործական այցեր կազմակերպելով, այլև տեղի մասնագետների հետ սեմինարներ, գիտաժողովներ և փորձի փոխանակում իրականացնելով։ Դրանով հանդերձ կենտրոնի գնային քաղաքականությունը չի փոխվել և բկ-ում ծառայությունների արժեքը շարունակում է մնալ նույնը, այսինքն՝ միջինից էլ ցածր։ «Աստղիկ» բժշկական կենտրոնը նոր խոսք է Հայաստանի առողջապահական համակարգում և հավակնում է դառնալ լավագույնը։ Ինչպես նշում է կենտրոնի տնօրեն Ասատուր Ասատրյանը՝ «Աստղիկը» բարձր նշաձող է ՀՀ առողջապահության ոլորտի համար։
Շնորկալ ենք մայրիկիս (Օգանեզովա Նադեժդա, 77 տարեկան) ծայրահեղ ծանր վիրահատության համար և բուժելու համար Վարող սրտաբան - Գևորգյան Գագիկ, Սրտային վիրաբուժության ծառայության ղեկավար ֊ Սուսանի Մհեր, Առիթմոլոգիական-սրտաբանական ծառայության ղեկավար - Կարտոյան Զ․, Գլխավոր բժիշկ - Կուրղինյան Ռ․ Մ․
Ես մոտ 2 տարի է բուժվում եմ Քիմիոթերապիայի բաժանմունքում: Շատ շնորհակալ եմ բաժնի ղեկավար Հասմիկ Պետրոսյանին և աշխատակազմին լավ վերաբերմունքի համար ոչ միայն իմ, այլև մյուս հիվանդների նկատմամբ:Իսկ երեկ ես մինչ կմտնեի բաժանմունք վատ զգացի և արժանացա անձնակազմի հոգատար վերաբերմունքին, հատկապես շնորհակալ եմ բժիշկներ Ադրինեից, Աղավնուց, բռւժքույրեր Աննայից, Գայանեից, Արփինեից, աշխատակիցներ Սիլվայից և Անահիտից:Ես ինձ զգացի հարազատի ձեռքերում, իրենք ցուցաբերեցին բարձր մասնագիտական գիտելիքներ և մարդկային վերաբերմունք:
Շնորհակալություն եմ հայտնում Աստղիկ Բժշկական կենտրոնի անձնակազմին, հատկապես բարձրակարգ մասնագետներ նևրոպաթոլոգ Կարինե Հարությունյանին, նեյրովիրաբույժ Ավետիս Կիրակոսյանին Արցախյան պատերազմի մասնակից իմ որդուն հոգատար վերաբերմունք ցուցաբերելու համար:
Շնորհակալություն Աստղիկ ԲԿ կենտրոնին պատրաստակամ ,բարի,հոգատար վերաբերմունքի համար։Շատ լավ մոտեցում հատուկ ուշադրություն զինվորի նկատմամբ։Ես զինվորի մայր եմ արդեն հոկտեմբեր ամսից մինչև հիմա հաճախում ենք և արդեն հարազատ դարձած Աստղիկ ԲԿ -ում մեզ շատ սիրելի բժիշկներին Շնորհակալություն Ձեզ ,Շնորհակալ եմ Ձեր բարի,խելացի,հոգատար վերաբերմունքից։Շնորհակալ եմ Տիգրանիս կյանքի կոչելու,Շնորհակալ եմ ամեն ինչի համար խոսքերը քիչ են Ձեր կատարած աշխատանքի համար։Այո դուք էլ էիք պատերազմում ամեն կյանքի համար ,ամեն կյանք թանկ էր Ձեզ համար,ինչպես զավակի կյանքը մոր համար։
Ամենալավ բուժ կենտրոնը Հայաստանում Թե’ սպասարկման առումով , թե’ հոգատար վերաբերմունքի!! Հիացած եմ հատկապես Մալխասյան Նանա Երվանդովնաով՝ ծնողներիս հանդեպ ցուցաբերած իր հոգատար վերաբերմունքով: Նման կենտրոններ ու պրոֆեսիոնալ անձնակազմ թող շատ լինեն մեր երկրում!!
